Kanë përfunduar pjesët e para për 11 sfidat e mbrëmjes së sotme, të vlefshme për raundin kualifikues të Kampionatit evropian të futbollit, Euro 2024, ku përveç goleadave ka dhe rezultate surprizë.
Në grupin B, “gjelat” e Francës udhëheqin me rezultatin e pastër 0 me 2, ndaj “diletantëve” të Gjibraltarit falë golave të “bomberave” të tyre, Olivier Giroud e Kylian Mbappe. Në përballjen tjetër të grupit, Greqia e Irlanda e kanë mbyllur pjesën e parë me rezultatin 1 me 1, pas golave të Bakasetas e Collins, në minutat 15’ e 29’ të sfidës.
Në grupin C, “tre luanët” e Anglisë e kanë mbyllur pjesën e parë me rezultatin e thellë 0 me 3, ku përgjegjës për golat janë anësori i Liverpool, Trent Alexandër-Arnold në minutën e 28’-të të sfidës, Harry Kane në minutën e 30’ e mbrojtësi maltez, Ferdinando, i cili shkaktoi një autogol në minutën e 8’ të sfidës. Në ndeshjen tjetër mes Maqedonisë së Veriut e Ukrainës, avantazhin e kanë vendasit maqedonas pas golave të Enis Bardh e Eljif Elmas.
Në grupin D, Turqia po udhëheq në transfertën e Letonisë me rezultatin e ngushtë 0 me 1, pas golit të qendërmbrojtësit Bardakci, i cili u asistua nga qendërmbrojtësi tjetër, Mehdi Demiral, ndërsa në përballjen tjetër mes Uellsit e Armenisë, çuditërisht po udhëheqin miqtë armenë me rezultatin 1 me 2, pas golave Zelerayan e Ranos, të shënuar në minutën e 19’ e 30’, gola të cilat hodhën poshtë golin e Daniel James në minutën e 10’-të të sfidës.
Ndërkaq, në grupin H, kombëtarja e Kazakistanit po udhëheq me rezultatin e ngushtë 0 me 1, pas golit Vorogovskiy në minutën e 37’ të sfidës, ndërsa Danimarka e ka mbyllur pjesën e parë të sfidës me rezultatin 0 me 0.
Në fund, kemi dhe grupin I aty ku “helvetët” e Zvicrës po triumfojnë me rezultatin 0 me 2, në transfertën e Andorrës pas golave të Freuler e Zeki Amdouni, Bjellorusia po udhëheq 1 me 0, pas goli të “fantazistit” Maks Ebong, ndërsa “dardanët” e Kosovës e kanë mbyllur pjesën e parë me rezultatin “e bardhë”, 0 me 0. /i.m /abcnews.al
SHIKONI GOLAT:
Grupi B
Gjibraltar 0 – 2 Francë
Goli i Olivier Giroud, 0-1:
Goli i Kylian Mbappe, 0-2:
Greqi 1 – 1 Irlandë
Goli i Bakasetas, 1-0:
Goli i Collins, 1-1:
Grupi C
Maltë 0 – 3 Angli
Autogoli i Ferdinando:
Goli i Alexander-Arnold, 0-2:
Goli i Harry Kane:
Maqedoni e Veriut 2 – 0 Ukrainë
Goli i Enis Bardhit, 1-0:
Goli i Eljif Elmas, 2-0:
Grupi D
Letoni 0 – 1 Turqi
Uells 1 – 2 Armeni
Goli i Daniel James, 1-0:
Goli i Lucas Zelarayan, 1-1:
Goli i Grant-Leon Ranos, 1-2:
Grupi H
San Marino 0-1 Kazakistan
Grupi I
Andorrë 0 – 2 Zvicër
Goli i Remo Freuler, 0-1
Goli i Zeki Amdouni, 0-2:
Bjellorusi 1 – 0 Izrael
