Dy fitoret e fundit jashtë “Anfield” përballë Tottenham dhe West Ham, i bindën të gjithë se Liverpool u rikthye dhe i dha fund momentit të vështirë.
Gjithsesi, kampionët e Anglisë u befasuan sonte në shtëpi nga Brighton. Miqtë fituan 0-1 falë golit të Steven Alzate në pjesën e dytë.
Kolumbiani i dhuroi tre pikë fantastike ekipit të tij, teksa kjo ishte ndeshja e katërt radhazi që Liverpool nuk ia del të fitojë në fushën e vet (7 pikë diferenca me Cityn kryesues).
Dy ndeshjet e tjera u mbyllën me fitoret e skuadrave udhëtuese. Ëest Ham mposhti 1-3 Aston Villan në Birmingem. Vendi i pestë në renditje për “Çekiçët”.
Tre pikë edhe për Evertonin e Carlo Ancelotti. Skuadra nga Liverpuli triumfoi 1-2 në fushën e Leeds United, falë realizimeve të Sigurdsson dhe Calvert-Lewin. /abcnews.al
