Leeds United-WBA ishte kryendeshja e Championship në Angli. Ekipi i Bielsës ia doli të fitonte dhe parakalonte në renditje kundërshtarët falë golit të Egzijan Alioskit. Shqiptari që luan me Maqedoninë e Veriut shënoi në fund të pjesës së parë, ndërsa Leeds kryeson me 20 pikë pas javës së dhjetë.
Vendasit kishin mundësinë për të shënuar sërish në minutat shtesë të pjesës së parë, por fati ishte me portierin mik. Sam Johnstone kreu dy pritje rresht nga një distancë shumë e afërt.
Goditja e dytë iu përplas në fytyrë dhe topi përfundoi jashtë. Lojtarët dhe tifozët vendas nuk po ju besonin syve, ndërsa gjesti fantastik i Johnstone mjaftoi vetëm për të mos thelluar humbjen e WBA në fund. /abcnews.al
