Fitore në transferta për Lazion dhe Napolin, teksa feston edhe Hellas Verona. Bardhekaltrit triumfuan 0-2 në fushën e Parmës, duke arritur suksesin e dytë radhazi në kampionat.
Pjesa e parë u mbyll pa gola, teksa miqtë tundën rrjetën dy herë në fraksionin e dytë të sfidës. Luis Alberto zhbllokoi takimin në minutën e 55-të, teksa Felipe Caicedo realizoi golin e qetësisë 12 minuta më pas.
https://streamable.com/9viret
Tre pikë siguroi edhe Napoli pas suksesit 1-2 në fushën e Udineses. Lorenzo Insigne zhbllokoi ndeshjen pas çerek ore lojë. Kapiteni ktheu në gol një penallti, por avantazhi i ekipit të Gattusos zgjati vetëm 12 minuta.
Amir Rrahmani, i cili zhvilloi ndeshjen e parë si titullar, kreu një gafë, Lasagna përfitoi dhe e dërgoi topin në rrjetë. Ndeshja po shkonte drejt barazimit, por Tiemoue Bakayoko gjeti rrjetën në minutën e fundit dhe i dhuroi tre pikë tepër të rëndësishme Napolit.
https://streamable.com/40lm8c
Hellas Verona vazhdon të shfaqet një kockë e fortë dhe të marrë rezultate pozitive. Ekipi i Ivan Juric mposhti 2-1 në shtëpi Crotonen. Kalinic dhe Dimarco shënuan në pjesën e parë, teksa miqve nuk u shërbeu goli i Messias në pjesën e dytë. /abcnews.al
