Zvicra zhvilloi 120 minuta madhështore dhe ia doli të eliminojë nga Euro 2020 Francën pas goditjeve të penalltive (ndeshja përfundoi 3-3). Më i miri i ndeshjes u zgjodh Granit Xhaka, i cili po zhvillon një Europian fantastik në rrafshin personal.
Fantastik në mesin e fushës, shumë i fortë në të dy fazat e lojës dhe një lider i vërtetë. Jo më kot 28-vjeçari ishte kërkesa e parë e Jose Mourinhos sapo u zyrtarizua trajneri i Romës, teksa lojtari me origjinë shqiptare ka treguar karakter e personalitet pas kritikave që ka marrë.
«Wettschulden sind Ehrenschulden. Ich habe Granit Xhaka und Co für das Einfliegen des Coiffeurs hart kritisiert und versprochen, die Haare auch zu färben, wenn sie den Viertelfinal erreichen. Die Nati hat geliefert – und darum habe ich das nun auch getan.» pic.twitter.com/Xfg8Y1OmND
— Andreas Böni (@AndreasBoeni) June 29, 2021
Njëri prej atyre që nuk është kursyer ndaj Xhakës është Andrea Boni. Kryeredaktori i helvetes Blick kishte thënë se nëse Zvicra arrin të kualifikohet në çerekfinale, ai do t’i ngjyroste flokët të bardha.
Premtimi është premtim dhe kështu ka ndodhur. “Borxhet e basteve janë borxhe nderi. Unë kam kritikuar ashpër Granit Xhakën dhe kam premtuar se në rast se kalojnë në çerekfinale do t’i lyej edhe unë flokët“, shkruan Boni, i cili ka ndryshuar “look”. /abcnews.al
