Kristi Qose ka shënuar golin e parë në sezonin e ri në Çeki. Mesfushori i kombëtares kuqezi, pjesë e Karvinës prej shkurtit të këtij viti, realizoi golin e parë në fitoren jashtë fushe.
Karvina mposhti 0-2 Brno dhe sfida u zhbllokua nga 25-vjeçari korçar. Minuta e 58-të, penallti për miqtë dhe ekzekutimin e mori përsipër lojtari shqiptar.
Qose dhuroi një “panenka” të ëmbël, duke i befasuar të gjithë. Topi në rrjetë dhe Karvina në avantazh, teksa nëntë minuta më pas erdhi edhe goli i sigurisë. /abcnews.al
