Një aksident i rëndë ka ndodhur në aksin rrugor që lidh superstradën me bregdetin e Tales në Lezhë.
Aksidenti u regjistrua ne afërsi të kryqëzimit të Shënkollit pranë një biznesi ku një automjet tip “Benz” është përplasur me një kamion që ishte i ngarkuar me materiale ndërtimi. Siç shihet nga pamjet e siguruara nga ABC, makina ka qenë duke ecur në korsinë e saj, kur kamioni ka dalë nga një rrugë dytësore duke shkaktuar dhe aksidentin.
Si pasojë “Benzi” është futur nën rrotat e kamionit. Drejtuesi e makinës ka mbetur i plagosur dhe është nisur me urgjencë drejt spitalit rajonal të Lezhës ndërsa policia nisi hetimet për të zbardhur ngjarjen. be.k/abcnews.al
