Juventusi ka djegur mundësinë më të mirë që të shkëputet në krye të Serie A, pasi është mposhtur me rezultatin 2-1 nga Napoli. Të besuarit e Sarrit kishin mundësinë të shkonin +6 nga Interi në vend të dytë dhe +8 nga Lazio, por nuk ia dolën të fitonin në transfertën napolitane.
Zielinski dhe Insigne shënuan për të besuarit e Gatussos, ndërsa Cristiano Ronaldo në sekondat e fundit shkurtoi diferencat. Megjithatë, Juventusi nuk arriti të shënojë sërish dhe Napoli doli triumfues.
Kjo fitore, pritet të jetë kthesa për napolitanët e Gatussos, që deri më tani kanë bërë një sezon mediokër. Ndërsa Juventusi, do të ketë tjera mundësi të shkëputet, por deri më tani, gara duket shumë e fortë në Serie A./abcnews.al
