Festojnë Porto dhe Dortmund në Champions League. Ekipi portugez mori një fitore të madhe në shtëpi përballë Juventusit, duke mbajtur gjallë shpresat për një kualifikim në çerekfinale. “Dragonjtë e Oportos” triumfuan 2-1 ndaj kampionëve të Italisë dhe në sfidën e kthimit do të luajnë për dy rezultate. Vetëm 60 sekonda dhe erdhi goli i parë.
⏰ RESULTS ⏰
?⚪️ Taremi & Marega secure home win for Porto against Juventus
⚫️? Haaland (2) & Dahoud net as Dortmund win at Sevilla
? Who impressed you most? #UCL
— UEFA Champions League (@ChampionsLeague) February 17, 2021
Gafë e Bentancur dhe finalizim i iranianit Mehdi Taremi. Ekipi vendas e nisi zjarr edhe pjesën e dytë. Pak sekonda kaluan dhe Moussa Marega mposhti polakun Szczesny. Djemtë e Andrea Pirlos reaguan dhe gjetën golin me anë të Federico Chiesës.
Lojtari i kombëtares italiane, mori një asist nga Rabiot dhe goditi menjëherë drejt portës kundërshtare. Një gol i rëndësishëm për bardhezinjtë, të cilët shpresojnë të përmbysin gjithçka në sfidën e kthimit në Torino (9 mars).
Dortmundi iu fal një super Haaland për të thyer 2-3 jashtë fushe ekipin e Sevillas. Suso kaloi vendasit në avantazh në minutën e shtatë, por verdhezinjtë gjermanë realizuan tre gola brenda 24 minutave.
Dy herë Erling Haaland dhe rrjeta e Mahmoud Dahoud, të tre gola shumë të bukur, i dhuruan avantazhin e dyfishtë skuadrës udhëtuese në pjesën e parë.
Sevilla tentoi gjithçka në pjesën e dytë, por realizoi vetëm njëherë. Holandezi De Jong mposhti portierin kundërshtar gjashtë minuta nga fundi dhe i gjithë takimi përfundoi 2-3. /abcnews.al
