Mbrëmjen e kësaj të enjteje, “legjionarët” e Kombëtares sonë do të presin në mitikun “Air Albania”, përfaqëuesen e Çekisë, në përballje e vlefshme për kualifikueset e Kampionatit Evropian të futbollit, Euro 2024, sfidë e cila pritet të jetë vendimtare në lidhje me kualifikimin e “shqiponjave” tona në fazën e grupeve të kompeticionit më të rëndësishëm për ekipet Kombëtare në Evropë.
Ashtu si në çdo përballje të Kombëtares sonë dhe në sfidën e mbrëmjes së kësaj të enjte ndaj Çekisë, përveç tifo-grupit, “Tifozat Kuq e Zi”, nuk kishin si të mungonin as një prej tifo-grupeve më të mëdha në Kosovë, “Plisat”, të cilët si zakonisht kanë ardhur në Tiranë për të mbështetur “legjionarët” tanë.
Nga pamjet duket që tifozët janë të “elektrizuar”, teksa shfaqen duke brohoritur e duke ndezur flakadanë të shumtë në prag të kësaj sfide tejet të rëndësishme për rrugëtimin e “legjionarëve” tanë drejt fazës së grupeve të Kampionatit Evropian të futbollit, Euro 2024. /i.m /abcnews.al
SHIKONI PAMJET:
