Një veprim tepër madhështor, tepër i bukur dhe shumë emocionues. Një veprim që në fakt nuk e shohim për herë të parë, pasi lojtarët e Marokut e kanë bërë shpesh këtë gjë në Kupën e Botës Katar 2022.
Bëhet fjalë për veprimin e Ardian Ismajlit në përfundim të ndeshjes së fituar nga kombëtarja jonë me rezultatin 2-0 kundër Polonisë.
Ismajli shkoi me vrap te mamaja e tij që ndodheshe në tribunë dhe e ka përqfuar e puthur me shumë dashuri, duke treguar qartë se këtë gëzim të madh ai dëshironte ta ndante me personin më të rëndësishëm të jetës së tij.
Disa thonë se ne do të jemi Maroku i Euro 2024, pasi shumë pak besojnë te aftësitë tona, por në të vërtetë kemi një kombëtare e cila po tregon në çdo ndeshje që jemi të aftë të përballojmë kundërshtarin./h.ll/abcnews.al
