Getafe siguroi fitoren e katërt radhazi në kampionat dhe u ngjit në vendin e tretë. Ekipi madrilen shkatërroi në shtëpi Valencian me rezultatin 3-0 dhe fitoi një ndeshje shumë të rëndësishme përballë një rivali direkt për një vend në katërshen e parë.
Pjesa e parë nuk dhuroi gola, ndërsa vendasit nuk u përmbajtën në 45 minutat e dyta. Jorge Molina shënoi dy gola dhe tregoi se 37 vitet mbi supe nuk kanë rëndësi të madhe. Fantastik sulmuesi te goli i dytë, aty ku bën çfarë të dojë mes katër mbrojtësve të Valencias.
Italiani Florenzi u ndëshkua me të kuqe në minutën e 78-të. Ish-lojtari i Romës kreu një ndërhyrje të ashpër dhe u largua para kohe nga fushe. Getafe gjeti edhe golin e tretë me anë të Jaime Mata në minutat e fundit. Angel u tregua altruist dhe i dhuroi një asist per Matën, i cili vulosi fitoren me “tris”. Ky sukses e ngjit Getafen në vend të tretë me 42 pikë, tre më shumë se Sevilla dhe pesë mbi Valencian. /abcnews.al
Getafe-Valencia 3-0
(Molina 58′, 67′, Mata 88′)
