Shqipëria pret Lituaninë sonte në mbrëmje (20:45) në “Air Albania” në sfidën e dytë në Nations League. Një fitore na nxjerr në krye të grupit, duke llogaritur rezultatin mes Kazakistanit dhe Bjellorusisë.
Sfida e luajtur në Almaty u mbyll me triumfin 1-2 të miqve. Pjesa e parë u mbyll pa gola, teksa 45 minutat e dyta ishin plot emocione, dhuruan tre gola dhe gafat nuk munguan. Maksim Bordachev kaloi bjellorusët në avantazh me kokë në minutën e 53-të.
Kazakët reaguan dhe gjetën barazimin nëntë minuta më vonë. Portieri mik nuk e grushtoi si dihet një goditje nga larg dhe Abat Aymbetov përfitoi duke dërguar topin në rrjetë. Vendasit, të cilët kishin fituar ndeshjen e parë (0-2 me Lituaninë), u hodhën në sulm në kërkim të fitores.
Gjithsesi, katër minuta përpara fundit të ndeshjes u ndëshkuan nga një gafë fatale në mbrojtje. Vitali Lisakovich përfitoi, shmangu portierin dhe shënoi, duke i dhuruar tre pikët e para Bjellorusisë. /abcnews.al
Nations League
Kazakistan-Bjellorusi 1-2
(Aymbetov 62′ / Bordachev 53′, Lisakovich 86′)
