Manchester United reagon pas humbjes me Burnley dhe mposhti thellësisht Tranmere në FA Cup. Fitore tenistike e ekipit të Solskjaer dhe kualifikim në raundin e 1/8 të FA Cup.
Maguire (gol i bukur dhe i pari për të me United), Dalot dhe Lingard shënuan tre gola brenda gjashtë minutave dhe ndeshja nuk pati më histori. Miqtë realizuan edhe dy gola të tjerë në fundin e pjesës së parë me anë të Jones dhe Martial. “Djajtë e Kuq” e ulën ritmin në pjesën e dytë, aty ku pati festë vetëm për talentin Greenwood.
Një mënyrë shumë e mirë për të përgatitur sfidën e mesjavës kundër Manchester City. Djemtë e Solskjaer e kanë humbur 1-3 ndeshjen e parë në EFL Cup, por do të bëjnë maksimumin për të mposhtur “armiqtë” e përjetshëm. /abcnews.al
Tranmere – Manchester United 0-6
(Maguire 10′, Dalot 13′, Lingard 16′, Jones 41′, Martial 45′, Greenwood (pen) 56′)
