Kur flitet për skuadra pa objektiva, fjalë tolerim nuk mund të mungojë. Arsenali është një prej skuadrave në Premier League që nuk luan më për pikë, thjesht është fokusuar te finalja e FA Cup. “Topçinjtë” ndodhen në vend të 10-të, me 53 pikë, dhe nuk luajnë për asgjë.
Si pasojë, në takimin kundër Aston Villas, “Topçinjtë” e morën lehtë. Vendasit, të cilët po luftojnë për të mbijetuar në Premier League, morën një fitore 1-0 në fushën e tyre, falë një goli të Trezeguet në minutën e 27-të.
Kjo fitore, e ngjit Aston Villan në kuotën e 34 pikëve, në vend të 17-të. Është Watford që bie në vend të 18-të, po me 34 pikë dhe mbijetesa do të diskutohet mes këtyre dy skuadrave, në javën e fundit të kampionatit. Aston Villa luan në transfertë ndaj West Ham, ndërsa Watford, kundër Arsenalit në transfertë./abcnews.al
