Përveç fitores së Chelsea e Manchester United, pasditen e kësaj të shtune, rrugën drejt fitores e kanë gjetur dhe 2 ekipe të tjera të Premier League, Everton e Fulham, ekipe të cilat nuk kanë falur kundërshtarët në “shtëpitë” e tyre.
Kështu, në “Goodison Park”, “blutë” e Everton mundën me rezultatin e thellë, 3 me 0, “qershitë” e Bournemouth, duke u rikthyer kështu te fitorja në elitën e futbollit anglez. Për shënimin e golave përgjegjës ishin Garner, Harrison e Doucoure, që shënuan nga një gol në minutat 8’, 37’ e 60’ për të “vulosur” fitoren e skuadrës së tyre, përballjen e javës së 8 të Premier League.
Në krahun tjetër, Fulham rikthehet te fitorja në “Craven Cottage”, teksa pasditen e kësaj të shtune mundën skuadrën e Sheffield United, me rezultatin e thellë, 3 me 1. Sipari i golave u çel në mintuën e 53’ të sfidës falë mesfushorit De Cordova-Reid, por vetëm 15 minuta më vonë, Robinson shënon një autogol duke e vendosur sfidën në baraspeshën, 1 me 1. Në pjesën e mbetur të sfidës gjithçka u dominua nga vendasit, të cilët gjetën fillimisht golin falë një gabimit të mbrojtësit të Sheffield, Foderingham e më pas “vulosën” fitoren me anë të brazilianit, Ëillian.
Falë këtyre rezultate, Fulham e Everton ngjiten në vendet 12 e 15 të renditjes, me nga 11 e 7 pikë, ndërsa “qershitë” e Bournemouth e Sheffield United mbeten në 2 vendet e fundit të renditjes, me nga 3 e 1 pikë. /i.m /abcnews.al
SHIKONI GOLAT:
Everton 3 – 0 Bournemouth
Fulham 3 – 1 Sheffield United
