Ervin Skelën e keni parë të vallëzojë me topin, të ndërtojë aksione sulmuese, të asistojë dhe të shënojë. Kur ishte futbollist këto ishin cilësitë e tij, por vlonjati edhe aftësi të tjera, që jo të gjithë i kanë ditur.
Atij i pëlqen edhe të këndojë dhe diçka të tillë ia ka zbuluar gazetari Elert Yzeiri, i cili i ka publikuar në “Instagram” një video ku Skela shfaqet duke kënduar, së bashku me gazetarin dhe Klajdi Harunin.
Me ta është edhe Bledi Shkëmbi, të cilit në fakt më shumë i pëlqen ta shijojë muzikën dhe ta shoqërojë me ndonjë pije. Yzeiri i sfidon sërish, teksa shkruan: “Ju dominoj për këngën e radhës”. Të shohim nëse do e pranojë sfidën Skela këtë herë, sepse Klajdi Haruni nuk e ka shumë problem këtë pjesë. /abcnews.al
