Moment shumë pozitiv për Enriko Papën. Mesfushori nga Kuçova ka gjetur golin e dytë radhazi në kampionatin rumun.
Botosani po fiton 1-3 në fushën e Academica Clinceni (ekip ku luan Amir Bilali), sfidë të cilën 28-vjeçari e ka nisur si titullar, ndërsa mungon Realdo Fili, shqiptari tjetër i skuadrës.
Ishte minuta e fundit e pjesës së parë kur Papa realizoi golin e tretë të Botosanit, duke qetësuar shokët e skuadrës.
https://streamable.com/ra42fn
Qendërmesfushori shfrytëzoi një goditje këndi dhe me kokë e dërgoi topin në rrjetën e ekipit kundërshtar.
Goli i dytë radhazi për lojtarin shqiptar, teksa Botosani ka hedhur një hap të sigurt drejt marrjes së tre pikëve.
Ekipi renditet përkohësisht në vend të pestë dhe ndodhet tre pikë larg zonës Europa League. /abcnews.al
