Dy shqiptarë shpallen kampionë Italie. Kristjan Asllani dhe Kleis Bozhanaj kanë ngritur trofeun në kampionatin e 19-vjeçarëve, pasi Empoli mposhti me rezultatin 5-3 Atalantën.
Një rrugëtim jo i lehtë, pasi më parë kishin kaluar me sukses Juventusin dhe Interin dhe dy shqiptarët kishin qenë protagonistë.
Mesfushori Asllani edhe në finale la shenjë, pasi ishte ai që shënoi golin e parë të ndeshjes pas një goditjeje dënimi me dy pasime.
Numri 4 i Empolit goditi fort dhe e çoi topin në rrjetë. Festë e madhe te Empoli, që arriti të fitonte në fund dhe të festonte titullin kampion. Për Bozhanajn këtë herë pati pak minuta, pasi u aktivizua vetëm në minutat shtesë. /abcnews.al
https://streamable.com/pq068n
