Loading ...
Wolves ishte pranë një tjetër fitore 1-0, por një gol i pësuar një minuta nga fundi ndikoi që takimi shtëpiak me Newcastle të mbyllej në barazim 1-1. Të dy golat u shënuan në 10 minutat e fundit dhe ishin të mrekullueshëm.
Sulmuesi kryesor i ekipit vendas, Raul Jimenez zhbllokoi shifrat në minutën e 80-të. “Predha” e meksikanit përfundoi në rrjetë dhe u mendua se “Ujqit” arritën triumfin e tretë radhazi në Premier League me rezultatin 1-0.
Newcastle nuk u dorëzua dhe fitoi një goditje dënimi një minuta përpara fundit. Ekzekutimin e mori përsipër Jacob Murphy. Mbrojtësi i djathtë gjeti cepin e portës kundërshtare falë një goditje perfekte, duke i dhuruar një pikë “Qymyrxhinjve”. /abcnews.al
Premier League, java e gjashtë
Wolves-Newcastle 1-1
(Jimenez 80′ / Murphy 89′)
