Për momentin është ende larg majave. Gjithsesi, Armando Dobra i ka ëndrrat e mëdha dhe goli i shënuar në EFL Cup për Ipswich Town tregon se talenti nuk i mungon aspak. Shqiptari 19-vjeçar realizoi për kundër Gillingham, në fitoren 2-0, duke qenë autor i golit të parë në minutat e para të pjesës së dytë.
Futbollisti, i cili luan në krahun e djathtë, ka lindur në Londër dhe është formuar në ekipet zinxhir të futbollit anglez, duke kaluar në të gjitha nivelet. Pasi u bë pjesë e Ipswich U18 dhe pastaj U23, ai kaloi në skuadrën e parë, duke fituar dalëngadalë vendin në formacion.
Town lead Gillingham 1-0 thanks to this spanker from Dobra! #itfc https://t.co/zTj4cT96vr
— IPSWICH TOWN FANS (@IpswichTownFans) October 6, 2020
Lojtari ofensiv ka treguar se di jo vetëm që të shënojë, por sidomos të shërbejë asiste për shokët e ekipit. Dobra është i pakënaqur që luan në kategorinë e tretë në Angli dhe do të dëshironte një nivel më të lartë, por në një futboll si ai anglez, do t’i duhet shumë punë.
Ai është pjesë e Shqipërisë U21 për të cilën ka luajtur dy ndeshje, por ende nuk ka shënuar gol. Lojtari 19-vjeçar nuk u mor këtë herë nga trajneri Alban Bushi për shkak të problemeve me koronavirusin dhe kufizimeve në Britaninë e Madhe. /abcnews.al
