Laçi ka reaguar humbjes me Vllazninë dhe ia ka nxjerrë inatin Dinamos, që e ka mposhtur me rezultatin e thellë 5-0.
Kurbinasit e zhbllokuan ndeshjen shumë shpejt, me anë të Saliou Guindo që nuk fali në minutën e gjashtë pas gabimit të Imamit që e ktheu topin prapa dhe ia dhuroi sulmuesit të bardhezinjve.
Ibraimi iu afrua golit të barazimit, por e ndalu traun, kurse nga bardhezinjtë Mazrekaj ishte mjaft i rrezikshëm. Pjesa e parë u mbyll 1-0, ndërsa në të dytën Laçi shpërtheu.
Dejan Zarubica shënoi golin e dytë, ndërsa më pas Julian Shehu me kokë nuk fali pas harkimit nga këndi.
Mazrekaj iu afrua golit të katërt, por e ndali shtylla. Kurbinasit nuk u mjaftuan me kaq dhe me Guindo shënuan golin e katërt pas një kombineve perfekte, ndërsa tre minuta më pas Lushkja shënoi edhe të pestin. / abcnews.al
