Moti i keq në Londër po shkakton probleme edhe për britanikët e mësuar nga bora. Si pasojë e reshjeve të dendura, një autobus dykatësh ka ngecur në mes të dëborës dhe pasagjerët janë detyruar të zbresin për ta shtyrë përpara.
Të përballur me rrezikun për t’u bllokuar me autobusin në rrugë në lagjen Stamford Hill, pasagjerët, burra dhe gra, zbritën nga automjeti dhe me ndihmën e disa kalimtarëve shtynë përpara autobusin e kuq.
Pasi rrotullohet për disa metra, dykatëshi ngec sërish në dëborë. Një përpjekje e tjetër bëhet nga pasagjerët për të ecur përpara, me më shumë sukses këtë herë, pasi rrotat u zhvendosën në një sipërfaqe më të fortë.
Qindra shoferë mbetën të bllokuar në rrugë për orë të tëra, ndërsa shumë rrugë u mbyllën për shkak të automjeteve të përmbysura ose të palëvizshme, duke shkaktuar kaos trafiku në kryeqytetin britanik të hënën. /abcnews.al
