Ndeshje shumë e bukur dhe plot raste, por asnjë gol në Angli-Skoci, sifidë e vlefshme për grupin D të Euro 2020. Derbi i zjarrtë ishullor i luajtur në mitikun “Wembley” në Londër, prodhoi emocione të shumta, por asnjë nga skuadrat nuk ia doli të shënonte golin e fitores.
Goalless at Wembley. Fair result? ?#EURO2020
— UEFA EURO 2020 (@EURO2020) June 18, 2021
Adams krijoi rastin e parë për miqtë, ndërsa John Stones goditi shtyllën skoceze me kokë pas një krosi të ardhur nga goditja e këndit. Anglia u shfaq e rrezikshme edhe me kapitenin Harry Kane në pjesën e parë.
Më pas e mori skenën Skocia, që humbi dy raste për gol. Kaq për pjesën e parë, ndërsa 45 minutat e dyta ishin edhe më të bukura, me sulme nga njëra portë në tjetrën.
Supporters sing national anthem at Glasgow’s Euro 2020 fan zone as Scotland take on England at Wembley. https://t.co/EONE2W1xhY pic.twitter.com/6PbNc7ub7t
— STV News (@STVNews) June 18, 2021
Mason Mount dhe Raheem Sterling rrezikuan për “Tre Luanët”, ndërsa Skocia iu afrua golit me Lyndon Dykes. Përfundimisht 0-0 me Skocinë që merr pikën e parë dhe feston në fund me tifozët e zjarrtë, ndërsa Anglia ndan kreun me Çekinë me nga 4 pikë. /abcnews.al
