Deputeti i Vetëvendosjes, Arbër Rexhaj, duket se ka thyer “rregullat” e vendosura në kuadër të pandemisë së Covid-19.
Ai është parë duke marrë pjesë në një gëzim familjar me muzikë popullore dhe valle, ku mbledhjet e organizimet e tilla janë të ndaluara.
“Kemi marrë pjesë në një aheng të ngushtë familjar të mikut tonë, në shtëpinë e tij dhe me familjen e tij”, ka thënë Rexhaj.
Ndërsa në mbledhjen e 28 korrikut të Qeverisë së Kosovës, është marrë vendim që të ndalohen mbledhjet apo organizimet e tilla familjare apo private.
“Ndalohen të gjitha tubimet publike, duke i përfshirë ahengjet familjare private”, thuhet në vendimin e Qeverisë së Kosovës./abcnews.al
