Mario Dajsinani ishte njeriu i ndeshjes sot në sfidën Bylis-Skënderbeu, teksa priti një penallti dhe arriti të bëjë edhe disa ndërhyrje të tjera vendimtare. Pas ndeshjes gardiani i skuadrës korçare foli për Supersport dhe u shpreh:
“Falënderoj gjithë skuadrës për shpirtin e garës që treguan në fushë. E prita atë penallti dhe na ndihmoi të fitonim. E kisha ndjesi.
Me Ujkën në miqësore më goditi në atë krah dhe ma shënoi dhe këtë herë u hodha në atë krah dhe ia prita. Kam katër vite në këtë klub dhe besoj se tani është momenti i duhur për të bërë një hap më tej.
Kam punuar shumë këto kohë, suke ditur se trajnerin më të mirë të portierëve në Shqipëri e kishte Skënderbeu dhe kam mësuar shumë nga Bozhiqi. Unë kam për detyrë të mbroj portën, në lidhje me lojën e pjesës tjetër të skuadrës e di trajneri”, u shpreh portieri i korçarëve. /abcnews.al
