Në Kupën e Afrikës nuk kanë fund çudirat. Në ndeshjen që Tunizia dhe Mali zhvilluan në Kupën e Afrikës, gjyqtari i ndeshjes ishte protagonisti kryesor i sfidës.
Xhani Sikazue nga Zambia, filloi protagonizmin e tij në pjesën e dytë, ku u akorduan dy penallti, një karton të kuq, dhe u pa tre herë VAR-i. Në fund të kësaj pjesë pritet të kishte minuta shtesë siç ndodh në futboll, por kjo nuk ndodhi.
Jo vetëm që nuk kishte minuta shtesë, por gjyqtari e mbylli ndeshjen që në minutën e 85-të. Pas këtij veprimi që ishte absolutisht një gabim i pafalshëm, kryesori i ndeshjes e rifilloi lojën sërish, por përsëri e mbylli 20 sekonda përpara se të mbaronte koha e rregullt.
Kjo gjë duket se e nervozoi teknikun e Tunizisë dhe stafin e tij, ku të gjithë shkuan duke protestuar drejt gjyqtarit dhe duke i treguar orën. U detyrua ndërhyrja e forcave të rendit që Sikazue të dilte nga fusha.
? The referee has blown the whistle after 89 minutes in Tunisia vs Mali #AFCON
? Tunisian coach Mondher Kebaier is furious with the decision to finish the game with no additional time pic.twitter.com/RISJCnclAK
— Football Daily (@footballdaily) January 12, 2022
/f.a/abcnews.al
