Është mbyllur kryendeshja e javës së 34-të në Serie A, mes Juventusit dhe Lazios. Ishin bardhezinjtë e Sarrit ata që triumfuan me rezultatin 2-1, duke shkuar +8 nga Interi i vendit të dytë dhe +9 nga Atalanta e vendit të tretë.
Me katër ndeshje të mbetura, vetëm matematika nuk i lejon lojtarët e “Zonjës së Vjetër” të festojnë titullin e radhës në Serie A. Të tre golat në këtë takim, u shënuan në pjesën e dytë. Cristiano Ronaldo, ylli portugez, shënoi dy herë.
Fillimisht, CR7 shënoi në minutën e 51-të me penallti, ndërsa tre minuta më vonë, gjeti golin e dytë personal, pas një asisti të Paulo Dybalas. Golin e vetëm për Lazion e shënoi Immobile me penallti./abcnews.al
Serie A, java 34
Juventus – Lazio 2-1
Ronaldo (p) 51’ 54’ / Immobile (p) 83’
