Kualifikohet Prishtina në Conference League, teksa eliminohen Partizani, Drita dhe Shkëndija e Tetovës. Kampionët e Kosovës ia dolën përballë Connahs Q. Bardhekaltrit fituan 4-1 sfidën e parë, ndërsa sot u mposhtën 4-2 në Uells.
Endrit Krasniqi realizoi në pjesën e parë dy golat e Prishtinës, që siguron një kualifikim fantastik dhe në raundin e tretë të Conference League, aty ku do të ketë përballë norvegjezët e Bodo Glimt.
https://streamable.com/d9le0b
Partizani regjistroi një tjetër humbje kundër Basel. Ekipi zviceran fitoi 3-0 takimin e parë, ndërsa sot triumfoi 0-2 në “Elbasan Arena” falë golave të Valentin Stocker (39′) dhe brazilianit Arthur, duke avancuar më tej falë rezultatit të përgjithshëm 5-0.
https://streamable.com/xtnvru
I dhimbshëm eliminimi i Dritës. Ekipi dardan frenoi 0-0 Feyenoord në duelin e parë të luajtur në “Fadil Vokrri” të Prishtinës. “Intelektualët” luajtën një ndeshje të madhe edhe në Roterdam, por në fund fituan vendasit 3-2.
https://streamable.com/dunktz
Guus Til (7′) kaloi shumë shpejt vendasit në avantazh, por brenda 9 minutave ndodhi përmbysje e Dritës. Marko Simonovski dhe Astrit Fazliu vendosën heshtjen në shkallët e stadiumit “De Kuip”.
https://streamable.com/zsj7eg
https://streamable.com/mrqk8x
Kaq për pjesën e parë, teksa fraksioni i dytë i ndeshjes foli për ekipin holandez. Mesfushori 23-vjeçar, Guus Til realizoi edhe dy gola të tjerë (68′, 90′) dhe Feyenoord u kualifikua falë tregolëshit të tij.
https://streamable.com/uc54sj
Jashtë Conference League edhe Shkëndija. Kampionët e Maqedonisë së Veriut u mposhtën 0-1 në shtëpi nga Riga. Finlandezi Mikael Soisalo (52′) realizoi golin e fitores për ekipin letonez, duke i siguruar Rigës kalimin në raundin tjetër (kishte fituar 1-0 takimin e parë). /abcnews.al
https://streamable.com/wtke4w
https://streamable.com/rb3lla
