Laçi zhvillon një tjetër ndeshje të madhe ndaj Universitatea Craiova, e mbylli në barazim pa gola duelin e kthimit të raundit të dytë të Conference League dhe siguroi një kualifikim historik falë fitores 1-0 në “Elbasan Arena”, një javë më parë.
https://streamable.com/kui0wf
Duel i bukur, i fortë dhe plot raste u zhvillua sonte në Craiova të Rumanisë, aty ku bardhezinjtë e Shpëtim Duros ia dolën ta mbajnë portën të paprekur. Rastet nuk munguan për ekipin tonë, që iu afrua golit në disa raste me Malotën, Mazrekajn dhe Guindo.
https://streamable.com/5ghx13
Fantastik portieri Alen Sherri në pjesën e parë, teksa vendasit goditën edhe shtyllën në minutat e fundit. Përfundimisht 0-0 pas 100 minutave lojë dhe ekipi kurbinas në raundin e tretë të Conference League.
https://streamable.com/i6nxst
Kurrë nuk kishte shkuar Laçi kaq larg në kompeticionet evropiane, teksa nuk pësoi asnjë gol në dy takimet ndaj nënkampionëve të Rumanisë (fituan edhe Kupën e Superkupën). Rivali i ardhshëm i Laçit janë belgët e Anderlecht, përballje që do luhen më 5 gusht në Shqipëri (18:00) dhe një javë më vonë në Bruksel (18:00). /abcnews.al
Conference League/ Raundi i dytë, ndeshja e kthimit
Universitatea Craiova – Laçi 0-0 (0-1)
