Gabriel Jesus dhe David Silva i kanë dhënë fitoren 0-2 Manchester Cityt në takimin kundër Crystal Palace. Të besuarit e Guardiolës u mposhtën 0-2 nga Wolves në shtëpi ndeshjen e fundit dhe duhet të reagonin në çdo mënyrë, pasi në të kundërt, Liverpooli do të shkëputej edhe më shumë.
Ndeshja në “Selhurst Park” ishte shumë e tensionuar dhe të dyja skuadrat patën një fillim ndeshje me shumë gabime në pasime. Por me kalimin e minutave, skuadra e Manchester City arriti të dalë në lojën e saj dhe shënoi dy herë.
Jesus shënoi me kokë në minutën e 39-të të sfidës, ndërsa dy minuta më vonë, David Silva i mrekullon të gjithë, duke shënuar fluturimthi me të majtën nga një pozicion thuajse i pamundur./abcnews.al
Premier League, java 9
Crystal Palace – Manchester City 0-2
Jesus 39’, Silva 41’
