Mos u mashtroni nga arti i tipit Banksy ose dritaret me hekura, ky nuk është një hotel elegant, por shtëpia e detyruar e disa prej kriminelëve më të këqij të Norvegjisë.
Njerëzit u habitën kur panë në TikTok se si të dënuarit për vrasje, përdhunime dhe krime të tjera jetojnë në burgun Halden në Norvegji.
“Është më e bukur se apartamenti që marr me qira. Ja plani im i ri i pensionit”, ka bërë shaka një përdorues i TikTok në llogarinë @sherifelsahly i cili ka shpërndarë këto foto, shkruan Daily Mail.
Në një burg për të cilin zyrtarët mburren se është “burgu më human në botë”, çdo qeli ka banjën e vet, një kuzhinë të pajisur plotësisht, një TV me ekran të sheshtë, një mini-frigorifer dhe madje një çelës për të njëjtën qeli.
Për 12 deri në 15 dhoma ka gjithashtu një kuzhinë të nivelit të lartë me tavolina inox, dhoma ndenje të pajisura me divane të stilit IKEA dhe tavolina për letra dhe lojëra të tjera tavoline. Burgu, i cili mori 10 vjet dhe 160 milionë euro për t’u ndërtuar, ka ambiente luksoze për të burgosurit, duke përfshirë një palestër me një mur ngjitjeje, një supermarket të tërë dhe një studio ku ata mund të regjistrojnë përmbajtje.
Të burgosurit “të llastuar” marrin gjithashtu dy vizita partnere çdo javë, të cilat mund t’i kalojnë në dhoma pa dritare dhe të mbikëqyrura. Në ato dhoma, çarçafët janë të pastër, secila prej tyre ka banjën e vet, dhe në të peshqirë dhe prezervativë.
Dhe kjo nuk është e vetmja mënyrë që këta të burgosur të “arratisen nga burgu” për një kohë të shkurtër. Familjet e tyre gjithashtu mund të vijnë dhe, një herë në tre muaj, të qëndrojnë në një kasolle të veçantë prej druri, e cila ka edhe dhoma për fëmijë dhe një kopsht plot me lodra për fëmijë./abcnews.al
