Brazili zhvilloi mëngjesin e sotëm ndeshjen e parë eliminatore të Kupës së Botës së vitit të ardhshëm dhe arriti ta fitojë, me gjithë trazirat e ditëve të fundit në skuadër, në lidhje me protestat e lojtarëve për organizimin e Kupës së Amerikës në Brazil dhe kërcënim për të mos marrë pjesë.
https://streamable.com/t8kgfu
Përballë ishte Ekuadori, që u largua i mundur 2-0. Sot në fushë Tite zbriti me më të mirët dhe arriti të fitojë, pa shumë telashe e pa derdhur shumë djersë. Ishte Neymar, që bëri thuajse gjithçka në metrat e fundit dhe i dha shokëve mundësinë të festonin vendin e parë në renditje pas 5 ndeshjeve (15 pikë, 4 më shumë se Argjentina).
Në pjesën e parë intensiteti nuk ishte në nivelin e duhur, por në të dytën 5 herë kampionët e Botës arritën të gjejnë golin me Richarlison, pas asistit të Neymar. Më pas në minutën e 4-t shtesë brazilianët gjetën edhe golin e dytë. Neymar fitoi penallti dhe e goditi po vetë, duke tundur rrjetën. /abcnews.al
https://streamable.com/rjem8c
