Loading ...
Përfundojnë edhe duelet e mbrëmjes në Europa League. Arsenali nuk hasi probleme në fushën e vet kundër Rapid Vienna, fitoi 4-1 ndaj austriakëve dhe siguroi kualifikimin për më tej. Lacazette, Mari dhe Nketiah shënuan në pjesën e parë, teksa “pokeri” i Gunners u vulos nga Smith Rowe.
⏰ RESULTS ⏰
✅ 14 teams qualify for last 32
? Best performance was from _______#UEL pic.twitter.com/w3yRJr1D46
— UEFA Europa League (@EuropaLeague) December 3, 2020
Fitore shtëpiake arriti edhe Roma, që siguroi vendin e parë në grupin A. Verdhekuqtë mposhtën me përmbysje 3-1 Young Boys në “Olimpico”, takim ku u realizua një eurogol nga 18-vjeçari Riccardo Calafiori. Marash Kumbulla e ndoqi gjithë ndeshjen nga stoli.
Barazim 1-1 në Holandë mes AZ Alkmaar dhe Napolit të Gattusos. Dries Mertens kaloi miqtë në avantazh në minutën e gjashtë, por AZ barazoi me anë të Martins Indi në minutat e para të pjesës së dytë.
Vendasit patën shansin të gjenin golin e avantazhit pesë minuta pas golit të barazimit, por Teun Koopmeiners gaboi nga pika e bardhë. Në barazim u mbyll edhe dueli tjetër i grupit F. Sociedad nuk shkoi më shumë se rezultati 2-2 në Spanjë përballë Rijekës.
Asnjë skuadër nuk e ka siguruar kualifikimin në këtë grup. Napoli kryeson me 10 pikë, teksa ndiqet nga Sociedad dhe AZ Alkmaar me nga 8 pikë. Java e fundit sjell duelet Napoli-Sociedad dhe Rijeka-AZ Alkmaar. /abcnews.al
