Arsenal ka rikthyer formën e mirë dhe po merr fitore të njëpasnjëshme, duke ngjitur edhe shkallët në renditje. Mbrëmjen e sotme “viktima” ishte Newcastle.
Londinezët arritën të fitonin me shifrat e pastra 3-0, teksa nuk e diskutuan në asnjë moment fitoren e këtij takimi. Të gjithë golat u shënuan në pjesën e dytë.
Aubameyang shënoi në minutën e 50 dhe 10 minuta më pas Saka dyfishoi shifrat. Në minutën e 77 ishte sërish Aubameyang, që tundi rrjetën dhe vulosi shifrat në 3-0.
Kjo ishte fitorja e pestë në 6 ndeshjet e fundit për skuadrën e Artetës, që tani renditet e 10-ta dhe heq dyshimet e rënies dhe futet në garë për një vend në Europa League. /abcneës.al
Premier League, java 19
Arsenal-Newcastle 3-0
Shënues: Aubameyang 50’ 77’, Saka 60’
