VIDEO/ Arbëria ndal kampionët, Drenica e Trepça e mbyllin pa gola

schedule15:05 - 14 Dhjetor, 2020

schedule 15:05 - 14 Dhjetor, 2020

Superliga e Kosovës vazhdon të luhet me ritme të shpejta, teksa sot u zhvilluan dy ndeshje të javës së 18. Drita regjistroi rezultat surprizë ndaj debutuesve të Arbërisë, teksa u ndal në barazim 1-1.

Kastriot Rexha shënoi për kampionët në fuqi në minutën e 36-të me ndihmën e një penalltie, teksa Hamdi Namani shënoi autogol dhe barazoi në minutën e 75-të për Arbërinë. Kjo e fundit merr një pikë të rëndësishme, por i bën nder edhe Ballkanit në garën për titullin kampion.

Edhe ndeshja tjetër mes Trepçës dhe Drenicës përfundoi në barazim, por pa gola. 90 minutat prodhuan disa raste në të dy portat, por në fund asnjëra rrjetë nuk u tund nga sfera dhe gjithçka u mbyll në paqe.

Pas javës së 18 Drita udhëheq me 40 pikë, e ndjekur nga Ballkani me dy pikë më pak. Arbëria dhe Trepça renditen në vendet 6 dhe 7 me nga 21 pikë, ndërsa Drenica e Bledar Devollit qëndron në zonën e ftohtë, saktësisht në vendin e nëntë me 19 pikë. /abcnews.al

IPKO Superliga e Kosovës, Java 18
Trepça 89-Drenica 0-0
Drita-Arbëria 1-1
Shënues:
Rexha (pen) 36’/ Namani (ag) 75’