Florian Marku dhe Jamie Stewart ndahen në barazim, edhe pse boksieri shqiptar arriti të ishte më lart se kundërshtari dhe e detyroi anglezin të merrte veten në raundin e dytë, pas një “nokdauni”. 76-76 ishte rezultati në fund, me Markun që u tërbua nga vendimi i gjyqtarëve.
Pas ndeshjes ai u shfaq i habitur: “Si mund të jetë barazim, sidomos me raundin 10-8 kur e rrëzova poshtë. Rivali më goditi vetëm një herë. Kështu më shkatërrojnë karrierën. Për çfarë është boksi, për të goditur në doreza?
Normalisht që e dua një ndeshje sërish, por a e njohin boksin këta gjyqtarë? A marrin vesh nga boksi. Unë e ula në tokë atë. A po talleni me mua që e vendosni barazim. Ai nuk më dha asnjë goditje të pastër”.
?? It's fair to say that @FlorianMarku92 is not a happy man!
Book #JoshuaPulev here: https://t.co/JQzgnxeVJr
? Or follow here: https://t.co/4y3aVMWc80 pic.twitter.com/i820KgzFF5— Sky Sports Boxing (@SkySportsBoxing) December 12, 2020
Kjo ishte ndeshja e tetë e Markut në boksin profesionist dhe deri më tani regjistronte vetëm fitore. Pesë prej dueleve boksieri shqiptar i kishte fituar me “KO”. Ky është barazimi i parë në karrierë për të.
NDESHJA – Raundi i parë ishte deri dikurt i barabartë, por Marku u tregua dinak në disa momente, duke goditur rivalin me të majtën. Boksieri shqiptar vijoi me strategjinë e tij edhe në raundin tjetër, teksa mbrohej mirë dhe shtynte Stewart drejt litarëve.
Në një moment Marku e goditi fort në trup dhe arbitri nisi numërimin, por britaniku me duart në brinjë bëri me shenjë që mund të vazhdonte. Raund pas raundi u konfirmuar një duel shumë i luftuar, me të dy boksierët që mundoheshin të godisnin njëri-tjetrin.
Në raundin e pestë Stewart e vuri disi në siklet Markun, kurse më pas dueli vijoi të ishte deri diku i barabartë sërish. Shqiptari e çoi në kënd disa herë rivalin dhe në raundin e tetë me një goditje të fortë ia hoqi edhe protezën. Asnjë prej boksierëve nuk ra dhe gjyqtarët vendosën që gjithçka të mbyllej në barazim. /abcnews.al
