Loading ...
Ish-sulmuesi i Manchester United, Wayne Rooney, vazhdon të vendosë rekorde. Anglezi regjistroi mbrëmjen e djeshme ndeshjen e tij të 500 në Angli, ku arriti të shënojë dhe një gol. Ndeshja mes Derby dhe Fulham u mbyll në shifrat 1-1, ku ishte Mitrovic ai që i prishi festën Rooney.
Sulmuesi 34-vjeçar shënoi me penallti në minutën e 55 të takimit. Madje ish-kapiteni i kombëtares angleze e goditi në formën e Panenkës, diçka që nuk e kishte bërë asnjëherë në karrierën e tij. “E di që portierët i studiojnë penalltitë. Disa herë është e vështirë tu shënosh, por ishte një surprizë për portierin dhe për fatin tim të mirë topi përfundojë në rrjetë”, deklaroi Wayne pas ndeshjes.
Ky është sezoni i parë i Rooney në Angli pas aventurës në Amerikë. Ekipi i tij, Derby County, renditet në vendin e 12 me 45 pike, 8 pikë larg vendit të gjashtë, vend i cili të lejon të luash në Play-Off për tu ngjitur në Premier League. Sulmuesi veteran numëron 796 minuta lojë në Championship, ku ka shënuar dhe 3 gola. /abcnews.al
Wow.. it’s crazy to think it’s Wayne Rooney’s 500th appearance in English soccer. Easily one of the most underrated players of all time. He’s the leading goal scorer for Man United and the England national team. He won 12 trophies in his Premier League career, Legend. #rooney pic.twitter.com/6e3pL9XPpL
— michael bosque (@michaelbosque2) February 21, 2020
