Victoria është bërë shteti i parë i Australisë që ndalon nshfaqjen e simbolit nazist. Sipas një ligji të ri, njerëzit që ekspozojnë qëllimisht simbolin do të përballen me një vit burg, ose një gjobë prej 22,000 dollarësh australianë, sipas BBC.
Kryeministri i Viktorias, Dan Andreës, tha se “askush nuk ka të drejtë të përhapë racizëm, urrejtje ose antisemitizëm”. Ashtu si shumë vende në mbarë botën, Australia ka parë një rritje të mprehtë të incidenteve antisemitike gjatë viteve të fundit.
“Simboli nazist lavdëron një nga ideologjitë më të urryera në histori, shfaqja e tij në public nuk bën gjë tjetër veçse shkakton dhimbje dhe ndarje të mëtejshme,” tha në një deklaratë Prokurorja e Përgjithshme e Viktorias, Jaclyn Symes.
Situata u intensifikua në vitin 2020 kur një çift ngriti një flamur me simbolin nazist mbi shtëpinë e tyre, duke zemëruar komunitetin lokal. Zyrtarët shtetërorë e quajtën legjislacionin e ri një “moment krenarie”. Tre shtete të tjera kanë thënë se do të miratojnë ligje të ngjashme.
Ka përjashtime për shfaqjen e simbolit në kontekste historike, arsimore dhe artistike. Mund të përdoret gjithashtu në kontekstet fetare hindu, budiste dhe xhainiste, siç ka qenë për mijëvjeçarë.
Numri i incidenteve antisemite në mbarë botën u rrit në mënyrë dramatike vitin e kaluar, sipas një studimi nga Universiteti i Tel Avivit. Australia kishte 88 vetëm në një muaj – një rekord kombëtar.
Në vitin 2020, shefi i inteligjencës së Australisë paralajmëroi për një kërcënim real për sigurinë e vendit nga neo-nazistët. Që nga fillimi i pandemisë, sindikatat dhe të tjerët kanë akuzuar gjithashtu grupet e ekstremit të djathtë për infiltrim të protestave të mëdha rreth bllokimeve dhe kufizimeve të tjera.
Ligjet e reja do të hyjnë në fuqi pas gjashtë muajsh.
/abcnews.al
