I quajnë vrasës të heshur. Veshkat japin shenja kur problemi ka avancuar dhe nëntë në dhjetë persona nuk e dinë se vuajnë prej tyre. Ky është shqetësimi i mjekëve në një kohë kur të prekurit po shtohen. Në Shqipëri shifrat ecin paralel me ato në botë, 1 në 5 individë kanë shqetësime ndërsa 1 në 10 shkon në humbje të funksionit të veshkës. Në kuadër të ditës botërore të ndërgjegjesimit për veshkat mjekët vënë theksin tek zbulimi i hershëm.
“Fatmirësisht depistimi i sëmundjeve te veshkave është ndër më të pakushtueshmit, një analizë e thjshtë urine për të gjetur elementin magjk, mikroalbuminurina tregon se sa vuan nga veshkat se çfarë poblemesh serioze ka një diabetik të tregon se çfarë problemesh do kesh me sëmundjet e zemrës. Së dyti një analizë gjaku e quajtur kreatininë, që del nga muskujt e trupit dhe eleminohet nga veshkat, nëse kreatinina nuk eleminohet nga veshkat do të thotë se veshka jote nuk funksionon e duhet te mjekohet sa më shpejt.”
Rritja e jetëgjatësisë, shtimi i personave me hipertension dhe diabet sipas mjekëve janë ndër shkaqet e rritjes së numrit të pacientëve që vuajnë nga veshkat, por studimet kanë treguar më shumë se kaq.
“Sot është identifikuar një sindromë, zemër, veshkë dhe diabet. Ky sindrom ka marrë këtë profil se është parë se shkaqët që çojnë në sëmundje të zemrës veshkave dhe diabetit janë të ngjashme, të përafërta ose të njejta. Nga ana tjetër është parë se çdo problem i zemrës është i lidhur me të veshkave dhe çdo problem i veshkës është i lidhur me diabetin”
Megjithë problemet komplekse dhe shtimin e të prekurve zbulimet e fundit i bëjnë mjekët nefrologë të mendojnë për një botë pa dializë.
“Është profiluar një mjekim i kohëve të fundit, që është një fat për të gjithë mjekësinë, arrinë të bllokojnë problemet e lidhura me veshkat, me zemrën dhe diabetin. Gjenerata e re e medikamenteve po bën revolucion aq sa një nga personalitete më të mdha amerikan të kardiologjisë thotë kjo klasë e rë ashtu si zbulimi i penecilinës, statinave apo antibiotikëve shumë shpejt do të marrin çmimin Nobel. Kjo i ka bërë nefrologët të ëndërrojnë për një botë pa dializë.”/abcnews.al
