Manchester United pësoi mbrëmë humbje surprizuese në transfertë ndaj Basaksehir. Skuadra e Solskjaer u mund me shifrat 1-2 nga turqit dhe shfaqi probleme të mëdha në mbrojtje ndaj kundërsulmeve të shpejta të turqve.
Demba Ba dhe Visca ndëshkuan skuadrën ishullore dhe treguan edhe njëherë se Manchester nuk është në rrugën e duhur. Në rastin e golit të Demba Ba e gjithë skuadra e United shihet të jetë e vendosur në fushën e Basaksehir në një gjatësi prej rreth 20 metrash.
The goals against us….please tell me someone is going nuts in that changing room and people are being made accountable.
The shape of the team when we lose the ball for the 1st goal ???#mufc pic.twitter.com/V7aq0rvBYL
— Rio Ferdinand (@rioferdy5) November 4, 2020
Këtë naivitet të tyre e shfrytëzoi në maksimum sulmuesi i turqve, duke marrë topin në gjysmëfushën e vet dhe ecur i pa shqetësuar deri në portën e Henderson. Pas kësaj sfide ka reaguar ashpër legjenda e United, Rio Ferdinand.
Ai ka publikuar vendosjen e United dhe shpreson që dikush ta ketë kuptuar vendosjen e gabuar të skuadrës dhe t’i shkundë ata në dhomat e zhveshjes që të jenë më të sigurt e të përgjegjshëm.
“Goli kundër nesh… Ju lutem më thoni se dikush po çmendet në dhomat e zhveshjes që të bëhen më të përgjegjshëm. Vendosja e skuadrës kur humbet topin në golin e parë të Basaksehir”, shkruan Ferdinand. /abcnews.al
