Loading ...
Ishte një ndërhyrje e rëndë, padyshim.
Gjithsesi, ata që ndjekin futbollin kanë parë kaq shumë veprime të tilla, e si pasojë dëmtimet kanë qenë kaq të shpeshta, saqë nuk I dhanë shumë rëndësi.
Po flasim për ndeshjen Inter I Porto Alegres-Kruzeiro, në elitën e Brazilit, dhe mbrojtësi Viktor Gabriel e mori ndëshkimin e merituar, kartonin e kuqe direkt për lëndimin që shkaktoi.
Futbollisti I ekipit vendas nga Porto Alegre la fushën e lojës I përjashtuar, ndërsa lojtari tjetër, Gabriel Pes I Kruzeiros u largua sepse nuk mundej të vazhdonte më tej.
Ajo që ndodhi më pas mund të ndryshojë ndjeshëm mënyrën sesi futbolli luhet dhe pasojat e veprimeve të tilla.
Gjykata Superiore e Drejtësisë Sportive në Brazil mori vendimin që mbrojtësi Viktor Gabriel të mos lejohet të luajë derisa të rikuperohet dhe të dalë në fushë lojtari që ai dëmtoi, Gabriel Pes.
Ky I fundit pati thyerje të kockës së tibias në njërën nga këmbët, dhe u desh ndërhyrja kirurgjikale.
Koha e riaftësimit të tij vlerësohet në 3 deri 4 muaj.
Natyrisht, mbrojtësi Gabriel u shpreh gjatë seancës në gjyq se ndërhyrja e tij nuk kishte qenë me qëllim të keq, se kishte kaluar net pa gjumë dhe se I kishte kërkuar falje të gjithë pjesëtarëve të Kruzeiros.
Gjithsesi, sipas vendimi, ai nuk mund të luajë për 3 ose 4 muaj.
