Shtetet anëtare të Bashkimit Evropian kanë zgjeruar sanksionet kundër Venezuelës për 15 anëtarë të rinj të Këshillit Kombëtar Zgjedhor të vendit, gjyqësorit dhe forcave të sigurisë.
Një total prej 69 individësh në Venezuelë tani janë të mbuluar nga sanksionet e BE-së, të cilat përfshijnë ngrirje të aseteve dhe ndalime të udhëtimit në BE, raportoi Reuters.
Presidenti Nicolas Maduro dhe qeveria e tij kanë hedhur poshtë gjithmonë sanksionet e SHBA-së dhe vendeve të tjera, duke pretenduar se ato janë “të paligjshme” dhe përbëjnë “luftë ekonomike” që synon dobësimin e Venezuelës.
Maduro dhe aleatët e tij theksojnë se vendi i ka rezistuar atyre masave, megjithëse në të kaluarën vështirësitë dhe mungesat ekonomike shpjegoheshin pjesërisht me sanksione, thekson agjencia.
Më herët gjatë ditës së sotme, si Shtetet e Bashkuara ashtu edhe Britania vendosën sanksione të reja ndaj zyrtarëve venezuelianë./abcnews.al
