Lirimi nga detyra si drejtor të Departamentit për Sigurinë Publike në Drejtorinë e Përgjithshme të Policisë së Shtetit të Gjovalin Lokës duket se është bërë për një qëllim edhe më të rendësishëm.
Abcnews.al mëson se Loka, një profesionist i Policisë së Shtetit është emëruar në krye të Policisë së Elbasanit, një ndër qarqet më problematike të vendit sa i përket trafikut të lëndëve narkotike si edhe vrasjeve mafioze. Veliu duket se i ka besuar integritetit dhe profesionalizmit të Lokës për të future në shina një qytet si Elbasani.
Lexo edhe: Ngjarjet kriminale në vend, ndryshime në kupolën drejtuese të policisë
Loka u largua pak ditë më parë nga drejtoria e rendësishme në Policinë e Shtetit. Detyra e tij e fundit ishte informimi i drejtorisë së Policisë së Tiranës për kërcënim të grupimeve ekstremiste të mbështetura nga qarqe të huaja ndaj KMSH-së.
Ndryshimet në polici
Zëvendësdrejtori i Drejtorisë Vendore të Policisë Gjirokastër Skënder Hita transferohet dhe emërohet Drejtor i Drejtorisë Vendore të Policisë Shkodër.
Drejtori i Drejtorisë Vendore të Policisë Fier Bledar Çeliku transferohet dhe emërohet Drejtor i Drejtorisë Vendore të Policisë Vlorë.
Drejtor i Drejtorisë Vendore të Policisë Korçë Ferdinant Mara transferohet dhe emërohet Drejtor i Drejtorisë Vendore të Policisë Fier.
Gjovalin Loka ish-Drejtori i Departamentit për Sigurinë emërohet Drejtor i Drejtorisë Vendore të Policisë Elbasan.
Drejtori i Drejtorisë Vendore të Policisë Durrës Lorenc Shehu transferohet dhe emërohet Drejtor i Drejtorisë Vendore të Policisë Lezhë.
Shefi i Komisariatit të Policisë Nr 2 në Tiranë Oltion Bistri transferohet dhe emërohet Drejtor i Drejtorisë Vendore të Policisë Durrës.
Ardian Çipa deri tani në Akademinë e Sigurisë transferohet dhe emërohet Drejtor i Drejtorisë Vendore të Policisë Korçë.
Hamdi Fjore deri tani zv.dr i DVP Korçë transferohet dhe emërohet drejtor i Drejtorisë Vendore të Policisë Kukës.
Edmond Tarkaj deri tani drejtor i Policisë Rrugore, transferohet dhe emërohet drejtor i Drejtorisë Vendore të Policisë Berat.
Dhimitraq Ziu deri tani zv.drejtor për sigurinë në DVP Tiranë , transferohet dhe emërohet Drejtor i Policisë Rrugore.
Luigj Vathi drejtor i Drejtorisë Vendore për Kufirin dhe Migracionin Vlorë deri tani transferohet dhe emërohet Zv.drejtor për sigurinë ne DVP Tiranë.
Neritan Nallbati deri tani drejtor i DVP Berat transferohet dhe emërohet Drejtor i Departamentit për Sigurinë në Drejtorinë e Përgjithshme të Policisë së Shtetit.
Drejtori i Drejtorisë Vendore të Policisë Shkodër Niko Brahimaj transferohet dhe emërohet Drejtor i Institutit të Policisë Shkencore.
/abcnews.al
