Miliarderi amerikan, manjat i kazinove dhe hoteleve në Las Vegas, Sheldon Adelson ka vdekur në moshën 87-vjeçare.
Themeluesi i kompanisë së kazinove në Las Vegas Sands, Adelson ishte i njohur për mbështetjen e tij ndaj kauzave konservatore dhe Izraelit.
Ai ishte një mbështetës i rëndësishëm i Presidentit të SHBA Donald Trump dhe Kryeministrit izraelit Benjamin Netanyahu. Mediat në SHBA raportojnë se Adelson ka ndërruar jetë pas një sëmundje të gjatë dhe të rëndë.
Adelson u rrit në Boston, djali i emigrantëve hebrenj, babai i të cilit punonte si shofer taksie.
Ai filloi të punojë herët, duke shitur gazeta në cepat e rrugëve si adoleshent. Suksesin e tij të parë e pa si organizator i një konvente të hershme të biznesit kompjuterik.
Duke kërkuar më shumë hapësirë për të pritur vizitorë për ngjarjen, ai hyri në biznesin e mikpritjes.
Ai më vonë krijoi hotele dhe kazino të mrekullueshme në Las Vegas, Singapor dhe Macau që me vdekjen e tij e bëri atë të renditej në mesin e 30 burrave më të pasur në botë, me një vlerë neto prej më shumë se 30 miliardë dollarë. /abcnews.al
