Ish-prezantuesi i BBC Breakfast, Bill Turnbull, ka vdekur në moshën 66-vjeçare pas një beteje me kancerin.
Prezantuesi u diagnostikua me kancer në prostatë në vitin 2018, duke e detyruar atë të largohej përkohësisht nga emisioni i radios Classic FM.
Në një deklaratë nga familja e tij thuhej: Pas një lufte sfiduese dhe të përkushtuar kundër kancerit të prostatës, Bill ndërroi jetë paqësisht në shtëpinë e tij në Suffolk i rrethuar nga familja e tij të mërkurën, 31 gusht.
“Bill u diagnostikua në vitin 2018 dhe ka pasur kujdes të jashtëzakonshëm mjekësor nga Spitalet Royal Marsden dhe Ipsëich, St Elizabeth Hospice dhe mjeku i tij i përgjithshëm.”
“Ai do të mbahet mend nga shumë njerëz si një transmetues i jashtëzakonshëm që solli ngrohtësi dhe humor në shtëpitë e njerëzve në BBC Breakfast dhe Classic FM.
“Bill ishte gjithashtu një bashkëshort dhe baba i mrekullueshëm për tre fëmijët e tij, familjes dhe miqve të tij do t’i mungojë se si ai i bënte gjithmonë të qeshin.”/Abcnews.al/
