Ditën e sotme u njoftua lajmi i keq i ndarjes nga jeta të një prej legjendave të klubit të Tiranës dhe ish-mbrojtësit të kombëtares, Seit Hyseni.
Ish-futbollisti i viteve 1970-80 ishte infektuar prej ditësh me Covid-19 dhe fatkeqësisht nuk mundi të mbijetojë dhe u dorëzua sot. Pas presidentit të FSHF, Armand Duka, edhe klubi i Tiranës shpreh ngushëllime për familjarët e Hysenit.
POSTIMI – Klubi i Futbollit Tirana shpreh ngushëllimet më të sinqerta për ndarjen nga jeta të Seit Hyseni. Klubi i bashkohet dhimbjes së familjarëve dhe shpreh nderimet për figurën e ish kapitenit të Tiranës në vitet 70’ 80’. Prehu në paqe Seit Hyseni. /abcnews.al
