Këtë të dielë në Tiranë ka filluar dhe fushata e vaksinimit anti Covid për moshat mbi 80 vjeç. Kryeministri Edi Rama përmes një postimi në rrjetin social Facebook, ka postuar disa foto ku paraqiten të moshuarit që marrin dozën e parë të vaksinës anti Covid.
Shefi I qeverisë krahas fotove ka uruar të moshuarit jetë të gjatë gjyshërve dhe gjysheve, duke shtuar se Shqipëria vazhdon të buzëqesh.
“Edhe 100?
Tiranë, vazhdon vaksinimi i gjyshërve e gjysheve +80 vjeç❤️
#ShqipëriaBuzëqesh”, shkruan Rama.
Ndërkohë kujtojmë se fushata e vaksinimit anti Covid në vendin tonë ka nisur që në mes të janarit ku janë vaksinuar dhe personat e përfshirë në vijën e parë të rrezikut, duke u shtrirë dhe në disa qarqe të vendit si në Elbasan, Vlorë, Berat, Shkodër dhe Kukës.
Ndërkohë të hënën në vendin tonë pritet të mbërrijnë 15 mijë vaksina nga Pfizer.e.su./abcnews.al
