Kjo që shikoni në foto është një varkë me bidona, e improvizuar nga punëtorët e Fabrikës së Pasurimit të Kromit në Bulqizë për të kaluar në anën tjetër të rezervuarit.
ABC mëson se Mustafa Kamishi i cili ndërroi jetë një ditë më parë, bashkë me kolegët e tij Rruzhdi Koç dhe Avni Alliu kanë qenë duke punuar në zonën e grumbullimit të ujërave të fabrikës.
Lexo edhe: Vdiq aksidentalisht pasi ra në ujë, policia zbardh ngjarjen, arreston tre persona në Bulqizë
Gjatë lëvizjes me varkën e improvizuar ata kanë humbur ekuilibrin duke rënë në ujë. Për pasojë Mustafa Kamishi ka ndërruar jetë. Kanë qenë kolegët e tij ata që kanë dërguar trupin e viktimës në banesë, që vdekja të dukej si e ardhur nga shkaqe natyrale.
Ditën e sotme ata janë vënë në prangat e policisë bashkë me Islam Nikën, drejtori i aktivitetet të Fabrikës së Pasurimit të Kromit. m.v/Abcnews.al
