Komisioneri për Zgjerimin në BE, Oliver Varhelyi ka takuar sot kryenegociatorin e Shqipërisë, Zef Mazi.
Në një postim në rrjetin social “Twitter” Varheleyi shkruan se në këtë takim u diskutua për hapat e ardhshëm të vendit në funksion të vendimit për negociatat.
Po ashtu komisioneri për Zgjerimin në BE, shton se më rëndësi është edhe zhvillimi i mëtejshëm i reformave.
“U takova me negociatorin e sapoemëruar të Shqipërisë për integrimin europian Zef Mazi këtë mëngjes për të diskutuar përgatitjet dhe hapat e ardhshëm në funksion të vendimit për hapjen e negociatave. Gjithashtu theksuam rëndësinë e përparimit në reforma”, shkruan ai.
